Biex tiċċekkja jekk trademark Ewropea bl-istess isem bħad-dominju tiegħek hijiex disponibbli għar-reġistrazzjoni:
- Fittex l-isem tad-dominju tiegħek fil-WHOIS ibbażat fuq il-web.
- Iċċekkja t-taqsima tal-EUIPO (l-Uffiċċju tal-Proprjetà Intellettwali tal-Unjoni Ewropea) fir-riżultati.
Jekk it-trademark hija disponibbli, tista' ssegwi l-ħolqa li tieħdok għall-paġna web tal-EUIPO għar-reġistrazzjonijiet tat-trademarks.
Jekk it-trademark diġà hija rreġistrata, se ssib ħolqa li tipprovdi informazzjoni dwar id-detentur u l-kronoloġija tar-reġistrazzjoni. Jekk jogħġbok, kun af li meta jiġi rreġistrat isem tad-dominju .eu u dan jaqbel ma' reġistrazzjoni jew applikazzjoni ta' trademark eżistenti, il-EUIPO jiġi nnotifikat u jibgħat twissija lid-detentur/lill-applikant, dment li dawn ikunu attivaw din il-funzjonalità fuq is-sit web tal-EUIPO.